Sus la fin de las lengas de l'estat francés

Un jornalista publicarà cada setmana una letra per evitar la desapareishuda de las lengas autoctònas de França. Se prevei que totas, hòra lo francés, moriràn aqueste sègle

Michel Feltin-Palas, cap-redactor deu servici regions de L’Express, cronicaire a France info, que lança ua letra consacrada a totas las lengas de França. Aquesta letra que serà publicada cada setmana suu sit de L’Express e òm se i pòt abonar gratuitament. La prumèra letra deveré sortir a la fin deu mes. Qu’atend d’aver 500 inscripcions d’internautas entà obténguer lo consentiment finau de la direccion.

 
Michel Feltin-Palas, qui parla mei d’ua lenga, dont l’occitan, defend lo bilingüisme coma ua riquessa d’un país. "La quita evidéncia dens païses vesins!" Qu’escrivó un article en aqueth sens a prepaus de Corsega entitolat "Lenga còrsa: l'ipocrisia de Macron". Aqueth article que’ns bremba que los especialistas predisen la desapareishuda de las lengas regionaus pendent aqueste sègle, pr’amor los dispositius actuaus non sufisen pas. E se nat cap de l’estat non demanda pas la fin deus lengas autoctònas, non hèn arren entà modificar la situacion.
 
 
 
Anne-Pierre Darrées

[Poblejat dins www.jornalet.com]