La tomba de l'abat Perrot foguèt profanada e se trobèt d’eslogans antifaissistas tagats sus la tomba e la capeleta. Lo drapèl breton foguèt tanplan atacat dins lo Vinhal Nantés
Aquesta dimenjada foguèt l’escasença pels destructors de tota mena de far mòstra d'engenh en Bretanha.
Lo primièr forfach aguèt luòc a Skrigneg. La tomba del abat Perrot foguèt profanada e se trobèt d’eslogans antifaissistas tagats sus la tomba e la capeleta de Koad Keo e la crotz de la tomba foguèt brigalhada. Perqué d’eslogans antifaissistas? Per çò que l’abat Perrot èra un nacionalista breton abans e durant la darrièra guerra, sòci del PNB (Breiz Atao) e que foguèt tuat per la resisténcia comunista.
L’abat èra un collaborador? De cap de biais! Mas èra un nacionalista breton e un anticomunista ferotge e aquò èra un pecat mortal en 1943. Puèi aquò es totjorn estat la poma de la discòrdia en Bretanha: “Per qué e perqué foguèt tuat l’abat Perrot?”.
Per çò que sembla, qualques valents “antifàs” decidiguèron que lo cadavre de l’abat Perrot èra responsable de la pojada actuala dels populismes.
La segonda profanacion aguèt luòc a Mouzillon dins lo Vinhal Nantés. Aqueste territòri foguèt separat de la rèsta de Bretanha, coma tot lo departament de Léger Atlantic, en 1941 pel Marescal Pétain, e dempuèi aquel temps i a una fòrta volontat de reünificacion en cò dels bretons.
Dissabte, de militants de l’associacion Bretanha Reünida èran installats, al bòrd d’una rota passatgièra, un mast subremontat d’un grand drapèl breton. Dimenge, lo mast èra estat sabotat e lo drapèl raubat, de segur.
Los militants bretons an anonciat pasmens qu’èran decidits a installar d’autres drapèls tots los dètz km de lòng de las rotas de Sud-Léger.
Fabien Lécuyer
 |
| Ar Gedour |
 |
| Ar Gedour |
 |
| Bretagne Réunie |
 |
| Bretagne Réunie |
 |
| Ar Gedour |
[Poblejat dins www.jornalet.com]
Sem comentários:
Enviar um comentário