L’escritura occitana a l’onor a Carcassona

En aqueste mes de setembre, l’IEO-Aude e lo Cercle Occitan del País de Carcassona meton sus pè a Carcassona cinc rendètz-vos pertocant lo libre occitan o sus una matèria occitana: los 5 Dijòus-Escritura.

 

Atal, aqueste dijòus 8 de setembre (sala del capèl-Roge, a la Trivala, a 18h30), Cristian Salès e Alan Roch presentaràn l’album-DVD La legenda de l’estanh de Capestanh.

 

Tres autres rescontres, que se tendràn a l’Ostal Sirventés (79, la Trivala), seguiràn a 6h e mièja del vèspre :

 

— dijòus 15 : Jòrdi Labouysse parlarà de L’espaci occitan dins l’Istòria,

 

— dijòus 22: aprèp una vesprada a Calandreta e amb la classa bilingüa de Berthelot, Maria-José Fages e Joan-Miquèl Lhubac presentaràn lo tresen tòme del Cançonièr totemic lengadocian,

 

— dijòus 29: se legirà qualques paginas del roman en francés del Leon Còrdas consagrat a la granda luta vinhairona de 1907 e qu’esperèt mai de 60 ans per èsser editat ongan: La route des gueux (CS-Prod).

 

De mai, lo dimècres 5 d’octòbre de vèspre, la librariá Mots&Cie reçauprà l’illustratritz Sofia Vissière.

 

Per mai d’entresenhas: ieo11@ieo-oc...

[Poblejat dins www.aranes.org]

 

 

 

 

Alan Roch