Alsàcia: ensenhament public immersiu en alsacian

Lo Ministèri francés de l’Educacion s’es engatjat a crear una seccion d’ensenhament immersiu dins quatre escòlas mairalas

                           Alsàcia: ensenhament public immersiu en alsacian

Lo Ministèri francés de l'Educacion s'es engatjat a crear una seccion d'ensenhament immersiu en alsacian dins quatre escòlas mairalas d'Alsàcia, çò rapòrta Diari de la Llengua. Se tracta dels primièrs establiments publics d’aquela mena, que jonhon los 9  de l’associacion ABCM-Zweisprachigkeit. Dins aquelas nòvas escòlas, lo programa d'ensenhament serà immersiu en alemand alsacian lo 75% del temps, e lo 25% se farà en francés.

La decision del Ministèri de l'Educacion es remarcabla, pr’amor que se produtz après la revocacion de l'article pertocant l'immersion de la Lei de Proteccion Patrimoniala e Promocion de las Lengas Regionalas, coneguda coma Lei Molac, pel Conselh Constitucional francés en mai de 2021; una decision que l’ÒNU a plangut en demandant d’explicas.

Ara, lo govèrn francés a emesa una circulara que reconeis l'ensenhament immersiu de las lengas autoctònas (lor dison “lengas regionalas”), çò que dobrís una draia d’esperança.

[Sorsa: www.jornalet.com]