Una publicitat glotofobica

Un bescuèch que parla amb l’accent occitan e puèi amb l’accent arpitan recep de repròchis, ja qu’es solament amb l’accent jutjat corrècte que pòt dire qu’es fach de blat francés

Una publicitat emesa fa gaire suls mèdias audiovisuals franceses a provocada cèrta polemica per la glotofobia que manifèsta. L’anóncia cèrca de soslinhar que los bescuèches Belin son faches amb de blat francés. Per o precisar aquò, o ditz un bescuèch de la votz masculina mai d’un còp: primièr en francés amb l’accent occitan, puèi amb l’accent arpitan... mentre qu’un autre bescuèch, que sembla d'èsser un realizaire, ajudat per un tresen bescuèch de la votz femenina, lo corregís fins que parle, enfin, amb l’accent jutjat francés.

[Poblejat dins www.jornalet.com]