terça-feira, 27 de junho de 2017

An ressegat los panèls frontalièrs per revendicar los Païses Catalans

Los bocins dels panèls frontalièrs d’Espanha, França e Andòrra, los an menats a la Pòrta dels Païses Catalans durant lo jorn de Sant Joan



An ressegat amb una amoladoira los panèls frontalièrs d’Espanha, França e Andòrra, e los an menats a bocins a la Pòrta dels Païses Catalans, un monument plaçat a Salsas (Catalonha) sus la frontièra occitanocatalana al sud del país de Fitor. 

Amb aquela accion, los joves independentistas d’Arran an volgut revendicar lo jorn de Sant Joan, considerat coma lo jorn nacional dels Païses Catalans, e “l’independéncia de tot lo territòri catalan”.

L’accion l’an enregistrada dins un vidèo qu’an fach virar dins los rets socials e que podètz veire en seguida.






[Poblejat dins www.jornalet.com]

Sem comentários:

Enviar um comentário