CNN, la populara cadena de television estatsunidenca, publiquèt fa dos ans una lista “tòp dètz” dels vilatges mai polits del Mond, ont lo vilatge provençal de Gòrda (País d’Ate) es al numèro 1.
Al delà de la beutat del vilatge e del país, ne soslinhan l’accion politica long de l’istòria, bòrd que Gòrda, plaçada sus un puèg estrategic, joguèt son ròtle dempuèi lo temps dels romans fins a la resisténcia antinazi. Ara, en temps de patz, la cadena estatsunidenca ne soslinha las polidas carrièras enpeiradas, las plaças e las vistas sul país. Son aqueles païsatges qu’an atirat ailà d’artistas coma Chagall e Vasarely, çò dison.
Las atraccions toristicas que ne parla aquel tòp dètz son lo mercat sus la plaça, dominada per un castèl normand, los camps de lavanda de l’entorn e l’Abadiá de Senhanca del sègle XII.
[Image: Luc Viatour - poblejat dins www.jornalet.com]
Sem comentários:
Enviar um comentário