An parlat breton dins l’Assemblada Estatala francesa

Çò que deuriá èsser un fach normal dins tot país democratic es vengut una primièra dins l’estat francés: an parlat en breton dins l’Assemblada Nacionala Francesa, segon çò que raportava ièr lo jornal breton 7Seizh.

 

Se passèt dimars passat, quand los deputats debatián de la simplificacion e de l’assegurament de la vida de las entrepresas. Paul Molac, deputat del departament breton de Mor-Bihan, diguèt dins son intervencion amb una frasa en breton. “Pep tra a zo mat a zo mat da gaout” (tot çò bon es bon de prene). En seguida, lo president de session e deputat de las Còstas d’Arvòr, Marc Le Fur, respondèt “Marteze tout an dud n’o deus ket komprenet” (Benlèu totes t’an pas comprés).

[Poblejat dins www.jornalet.com]