O
caso remóntase ao 11 de decembro de 2024, cando a artista publicou en Youtube
un vídeo de 27 minutos dun «concerto hipotético» no que aparecía cun
vestido longo negro, cos ombros descubertos e sen veo.
Muller camiñando por unha rúa de Teherán, en Irán
Un tribunal de apelación iraniana confirmou a condena a 74 lategazos, dous anos de prohibición de cantar e de saír do país contra a cantante Parastoo Ahmadi por publicar a finais de 2024 un concerto en liña no que aparecía sen veo.
A propia cantante informou a última hora do venres na súa páxina de Instagram de que a Sala 16 do Tribunal de Apelación da provincia de Qom «ditou a sentenza definitiva sobre o caso do concerto do caravansar».
«En virtude dela, Parastoo Ahmadi, catro músicos e outras catro persoas
foron condenados a 74 lategazos, dous anos de prohibición de exercer
actividades audiovisuais e de saír do país», segundo unha historia publicada
por Ahmadi na rede social.
A artista sinalou que o
tribunal de apelación rexeitou as obxeccións presentadas polos acusados e
confirmou «sen ningún cambio» o fallo emitido en primeira instancia pola Sala
122 do Tribunal Penal de Qom en xuño pasado.
«A
sentenza é firme e de obrigado cumprimento», sinalou a cantante.
En primeira instancia, Ahmadi e
outros oito músicos e membros do equipo recibiran as mesmas condenas pola
actuación en solitario de Ahmadi sen o «hiyab islámico», a presenza de músicos
homes, o que o tribunal considerou «obsceno» e contrario ás normas morais e
relixiosas.
As defensas alegaran, entre
outras cuestións, o carácter artístico da obra e a ausencia de intención
delituosa.
O caso remóntase ao 11 de
decembro de 2024, cando Ahmadi publicou en Youtube un vídeo de 27 minutos dun «concerto
hipotético» gravado no histórico caravansar de Deir Gachin, na provincia de
Qom, no que aparece cun vestido longo negro, cos ombros descubertos e sen veo, cantando varias cancións acompañada por
catro músicos.
Desta forma, a vocalista
desafiou o estrito código de vestimenta e a prohibición de canto para mulleres
en público.
En menos de 24 horas, as
autoridades xudiciais iranianas anunciaron que presentaran unha denuncia contra
a cantante e os seus acompañantes por celebrar o concerto «sen permiso» e sen
respectar as «normas legais e relixiosas».
A República Islámica de Irán non
permite ás mulleres gravar discos e só poden dar concertos para un público
feminino, sen
cámaras de vídeo ou fotos.
Ahmadi xa se enfrontou a unha
denuncia en 2022, cando publicou a canción «Do sangue da mocidade da patria»
durante as protestas desencadeadas pola morte de Mahsa Amini, detida pola
Policía da Moral por levar de forma incorrecta o veo islámico.
O desafío
da cantante
produciuse nun momento de tensión en Irán ao redor do uso obrigatorio do veo,
dous anos despois das protestas masivas desencadeadas pola morte de Amini.
Desde entón, numerosas mulleres iranianas deixaron de cubrirse a cabeza como forma de desobediencia civil, mentres as autoridades mantiveron unha aplicación irregular das normas sobre o hiyab e sectores conservadores reclamaron un maior control.
[Foto: ABEDIN
TAHERKENAREH | EFE - fonte: wwwlavozdegalicia.es]
Sem comentários:
Enviar um comentário