Andòrra pòrta una resolucion per promòure lo multilingüisme a l’ÒNU

Lo tèxt, copairinejat per cent tres païses, preconiza la reconeissença de las lengas non oficialas e tira partit de l’intelligéncia artificiala 

Andòrra a trabalhat amb la Republica Dominicana sus una resolucion novèla de l’Amassada Generala de las Nacions Unidas qu’a per mira de promòure lo multilingüisme dins l’organizacion, çò rapòrta lo Diari d’Andorra. S’agís del tresen còp que lo principat participa coma cofacilitator a una resolucion dins aquel domeni, segon la mission permanenta d’Andòrra al près de las Nacions Unidas. 

Lo tèxt es estat adoptat per consens e a recebut lo copairinatge de 103 païses. A l’objectiu de far progressar lo multilingüisme a l’ÒNU a l’entorn de mantuna prioritat, sustot lo refortiment del ròtle del coordenaire pel multilingüisme, una reconeissença melhora de las lengas non oficialas e l’esplecha de las possibilitats ofèrtas per l’intelligéncia artificiala. 

Segon la representacion diplomatica andorrana, lo document presenta un tèxt mai focalizat e mens redondant, en mantenent la tòca de far progressar lo multilingüisme dins las Nacions Unidas. 

La mission permanenta d’Andòrra a mercejat l’ambaissador de la Republica Dominicana, Wellington Darío Bencosme Castaños, aital coma sa còla, pel trabalh realizat tot de long de la procedura.

 

---

[Article tirat e revirat de Vilaweb. reproduit dins www.jornalet.com]