David Lynch es mòrt, referent del cinèma d’autor

Demest sas òbras mai reconegudas se destaca la sèria Twin Peaks e de filmes coma Blue Velvet o Mulholland Drive

 

Lo realizaire de cinèma estatsunidenc David Lynch defuntèt dijòus a gaireben 79 ans. Foguèt nomenat tres còps als prèmis Oscar coma melhor cineasta e foguèt laureat en 2019 amb l’Oscar onorific.

“Es amb prigonda tristor que sa familha, anonciam la mòrt de l’òme e de l’artista David Lynch. Mercejarem per un pauc d'intimitat en aqueste moment. I a un grand trauc dins lo Mond ara qu’es pas pus amb nosautres. Mas, coma disiá el, «Agachatz lo donut e non pas lo trauc»”, çò diguèt la familha dins un comunicat en tot apondent aquesta frasa: “Es un jorn preciós amb un solelh daurat e amb tot lo cèl blau.”

David Lynch foguèt un dels representants del corrent surrealista dins lo cinèma. Sos filmes portavan totjorn devèrs un mond de sons, un mond de mistèri, un mond surrealista. Demest sas òbras mai reconegudas se destaca la sèria Twin Peaks e de filmes coma Blue Velvet o Mulholland Drive.

 

 

 

[Sorsa: www.jornalet.com]