Podemos leva ao Congreso a «discriminación do galego» por parte das autoridades do Reino Unido

Critica que se denegara o embarque a varios pasaxeiros por amosar probas de antíxenos nesta lingua.

O deputado de Galicia en Común-Unidas Podemos pola Coruña, Antón Gómez-Reino, nunha rolda de prensa, durante a reunión da Deputación Permanente no Congreso dos Deputados, a 25 de agosto de 2021,
en Madrid (España).

 

O secretario xeral de Podemos Galicia e deputado no Congreso, Antón Gómez Reino, rexistrou unha iniciativa na que denuncia a "discriminación lingüística" por parte das autoridades de Reino Unido para a admisión de pasaxeiros con test de antíxenos en galego. 

Diso informou nun comunicado remitido aos medios, no que sinala que, nos últimos días, varios viaxeiros a este país fixeron público que o persoal de distintas aeroliñas rexeitou o seu certificado de antíxenos por estar emitido en galego e non lles permitiu viaxar.

"É unha absoluta vulneración do dereito lingüístico dos galegos, sorpréndenos que algúns países non acepten que existen linguas cooficiais e que non se teña en consideración nunha proba covid para poder viaxar a outro país", sinalou Gómez Reino.

Así as cousas, na iniciativa pregunta ao Ministerio de Exteriores se é coñecedor de que se negue o embarque ás persoas que presentan as probas en galego, así como se ten previsto tomar algunha medida respecto diso.

 

[Imaxe: Jesús Hellín - Europa Press - fonte: www.galiciaconfidencial.com]