Ser pintor o poeta

Por

 

Prezentado por Haim Vitali Sadacca

Si yo no arivo a pintar todo lo ke yo veo
Komo puedre ser un pintor komo lo deseo?
Kuando veo una lagrima en kara palida
La pena me s’esta gravando por toda la vida.
Si oyo suspiros de algunos en dezespero
Yo abatido, mis ojos nuvlados sin kererlo.
Kon ke kolores puedo mis sentimientos
pintarlos?

Kon ke kayentura yo puedre ekspresarlos?
Estos sentidos no puedre mostrarlos kon kolores
Los dramos, los amores, l’humanismo y dolores.
Por esto ahora esto leshos de la pintura
Me konsuelo kontamplando los sielos i natura.
Esta satisfaksyon la topi en las poesias
Ago sentir gritos mudos de dolor
siertos dias.

Hay korasones ke toman lesyones meresidas
Despertan las humanidades desaparesidas.




[Orijen: www.diariojudio.com]