Un nòu e estonant estudi genetic pòt cambiar lo vejaire qu’avèm uèi lo jorn sus d’ancianas populacions de Pròche Orient
Escrich per Christian Andreu
Una
còla internacionala d’arqueològs analisèt l’ADN de fins a dètz
individús de l’Edat del Bronze e del Fèrre de la vila filistèa
d’Asquelon. Lo resultat es tras qu’interessant pr’amor que confirma que
l’origina d’aquela populacion seriá europèa.
![]() |
| Los peleset d’ancians tèxtes egipcians èran de filistèus |
Per
ansin, los cercaires trapèron que l’origina europèa d’aqueles individús
arribèt a aquela vila filistèa aperaquí a l’epòca que se pensava que i
èran arribats los filistèus. Aquò fa pensar que los ancessors d’aquestes
aurián emigrat a travèrs la Mediterranèa en tot arribar a Asquelon
pendent l’anciana Edat del Bronze. Gaire puèi, aquel compausant genetic
europèu se seriá perdut pr’amor del crosament amb la populacion locala.
Aquò arriba après que s’es conegut que los filistèus, tradicionals enemics dels ebrieus, aurián coma origina la vila de Caftor, çò es lo nom ancian de la vila o de l’illa de Creta. E ja fa mai d’un sègle que plusors egiptològs prepausèron que lo grop classat coma peleset dins d’ancians tèxtes egipcians del sègle XIIn abans lo Crist èran de filistèus.
Aqueles egiptològs confirmèron que los pelesets èran arribats dempuèi las illas e qu’aurián atacat Chipre e puèi las còstas ade Turquia e de Siria abans d’envasir Egipte. Aquò seriá la primièra e mai anciana pròva de l’origina europèa dels filistèus pendent lo segond millenari abans lo Crist dins la region.
Aquò arriba après que s’es conegut que los filistèus, tradicionals enemics dels ebrieus, aurián coma origina la vila de Caftor, çò es lo nom ancian de la vila o de l’illa de Creta. E ja fa mai d’un sègle que plusors egiptològs prepausèron que lo grop classat coma peleset dins d’ancians tèxtes egipcians del sègle XIIn abans lo Crist èran de filistèus.
Aqueles egiptològs confirmèron que los pelesets èran arribats dempuèi las illas e qu’aurián atacat Chipre e puèi las còstas ade Turquia e de Siria abans d’envasir Egipte. Aquò seriá la primièra e mai anciana pròva de l’origina europèa dels filistèus pendent lo segond millenari abans lo Crist dins la region.
De cambiaments d’estil de vida
![]() |
| Los filistèus serián pervenguts |
“Avèm trobat de cambiaments significatius del tipe de vida pendent lo sègle XIIn abans lo Crist que menan dirèctament a l’arribada dels filistèus dins l’airal, çò diguèt Daniel Master, arqueològ del Musèu Semitic d’Harvard. Fins ara se pensava qu’èran la resulta del comèrçi e d’escambis culturals e pas de migracions umanas”.
Aital, segon los cercaires qu’an fach aquel nòu estudi (après 30 annadas de trabalh en recèrca genetica), los filistèus serián pervenguts al Levant pr’amor d’una migracion qu’aguèt coma origina l’oèst. Aital o confirmariá l’estudi d’ADN dels 10 individús d’Asquelon de las Edats del Bronze e del Fèrre.
Segon aquel estudi, totes avián una origina genetica europèa que pervenguèr al Levant a la fin de l’Edat del Bronze o al començament de l’Edat del Fèrre. E es lo meteis moment qu’arribèron los filistèus. “Mas, après dos sègles, aquela origina genetica se perdèt per de crosaments amb la populacion locala, çò afirmèt Choongwon Jeans, de l’Institut Max Planck de Sciéncias Istoricas Umanas. L’estudi foguèt publicat dins la revista numerica Science Advances.
[Poblejat dins www.sapiencia.eu]
[Poblejat dins www.sapiencia.eu]



Sem comentários:
Enviar um comentário