Moshe salio de Misrayim
uyendo del rey Paroh
Se fue deretcho a Mydyan
I se encontro kon Yitro
Le dyo a Sípora, su isha,
Porke era temyente a Dyos
Moshe pasyendo el ganado
Ke su suegro le entrego
Moshe pasiyendo el ganado
Al monte de Horeb llego
Vyera arder una sarsa i
la sarsa no se kemo
Moshe se kuvrio los ojos
la sarsa no se kemo
Moshe se kuvrio los ojos
Temyendo ver a Dyos
Oyo una bos ke desya:
"Moshe, Moshe, mi syervo,
Deskalsa los tus sapatos
Ke en lugar santo estas tu
Te iras deretcho a Misrayim
I diras al rey Paroh
Ke te entrege las yaves
de mi pueblo el ebreo
de mi pueblo el ebreo
I si no te las entregare
Kastigarle kyero yo."
Kon dies plagas ke le mande
Para ke sepa kyen soy yo
Hodu l'Adonai ki tov
Ki le'olam hasdo
Alabado sea su nombre
Porke siempre bien nos diyo
I en los syelos, i en la tyerra
Su merced nunka falto
Hodu l'Adonai ki tov
Su merced nunka falto
Hodu l'Adonai ki tov
Ki le'olam hasdo
Alabado sea su nombre
Porke siempre bien nos diyo
Sem comentários:
Enviar um comentário