L’afar de l’imam de la mosqueta d’En Palòt, a Tolosa, Muhammad Tatai, se poiriá resòlver lèu “mas pas abans agost”, segon lo ministèri public. Ara la traduccion oficiala de sas paraulas eclarzirà se lo religiós tolosan d’origina argeriana, acusat d’’antisemitisme e d’antisionisme, deu èsser enseguit per la justícia francesa. Le Figaro publica en exclusivitat aquela traduccion oficiala.
Tatai foguèt acusat lo 29 de junh d’aver prononciat de prepauses antisemitas e antisionistas dins un presic fach en decembre de 2017, e l’Union dels Estudiants Josieus de França e la Liga Internacionala contra lo racisme e l’antisemitisme an fach lor denóncia per “incitacion a l’òdi racial”.
Divendres passat, se liurèt al procuraire de Tolosa la traduccion oficiala e jurada de l’enregistrament del presic incriminat. Sus la basa d’aquela traduccion la justícia poirà qualificar los faches, “mas pas abans lo mes d’agost que ven”.
[Poblejat dins www.jornalet.com]
Sem comentários:
Enviar um comentário