Lo rectorat lor permet de redigir en lenga pròpria las espròvas de matematicas e d'istòria, mas pas las sciéncias
D’escolans se quilhan tornarmai davant l'obligacion de passar los examens en francés. Aqueste còp, son de collegians del Bascoat que o fan de biais massís. Aquí lor es permés de redigir las espròvas de matematicas e d'istòria, mas pas las sciéncias, e ongan los 179 escolans de 3a dels collègis de Seaska an escrich lor examen de sciéncias en lenga basca al risc d'obténer un zèro, ja que lo rectorat menaça de corregir pas las còpias, çò rapòrta France Bleu.
L'an passat, aguèt luòc la meteissa causa, jos las meteissas menaças, mas finalament lo rectorat decidiguèt de corregir las còpias d'SVT redigidas en basco.
A la mièja jornada manifestèron davant los très collegis de Cambon, Cibore e Larzabale.
Brevet : Seaska réclame le droit de rédiger l'épreuve de sciences en basquemediabask.naiz.eus/fr/info_mbsk/2…
[Poblejat dins www.jornalet.com]
Sem comentários:
Enviar um comentário