Sardenha: l’Alguer ten ara un Conselh de la Lenga Catalana

Integrat per onze associacions, l’organisme a per tòca de protegir, promòure e aumentar l’usatge de la lenga pròpria de la vila

L’Alguer, la ciutat catalanofòna de l’illa de Sardenha, ten ara son Conselh de la Lenga Catalana integrat per onze associacions. L’organisme s’inaugurèt diluns passat e sa tòca es de protegir, promòure e aumentar l’usatge de la lenga.
 
Lo cònsol màger de la vila, Mario Bruno, inaugurèt la sedença del conselh, situada al Palais Serra, dins un sit partejat amb lo servici municipal de las lengas. 

Lo Conselh de la Lenga Catalana poirà prepausar d’iniciativas sul terren lingüistic que seràn avaloradas e mesas en practica per las institucions municipalas. 

[Imatge: Gianni Careddu - poblejat dins www.jornalet.com]