Manfred Weber empleguèt l’expression “solucion finala” en parlant de l’immigracion e la crisi dels refugiats
 |
Lo cap del Partit Popular europèu, Manfred Weber, a
emplegat la paraula “solucion finala” per far referéncia
a la crisi de refugiats que l’afronta l’Union Europèa
|
Lo cap del Partit Popular europèu, Manfred Weber, a emplegat la paraula “solucion finala” per far referéncia a la crisi de refugiats que l’afronta l’Union Europèa. La connotacion de l’expression —de remembre nazi en allusion a l’extermini dels jusieus— a provocat una fòrta polemica en Alemanha.
Weber s’exprimiguèt aital dins un congrès de son partit, l’Union Crestiana Sociala (CSU) de Bavièra, afrairada amb l’Union Crestiana Democrata (CDU) d’Angela Merkel: “L’an 2018 lo tèma europèu central es la solucion finala per la question dels refugiats”.
Lo politician alemand a demandat perdon en tot plànher que se siá fach “una marrida interpretacion deliberada” de sas paraulas, e a reconegut que foguèt una error. “Cal una responsa europèa al desfís de l’immigracion. Devèm ofrir una proteccion a las gents que n’an de besonh e a l’encòp arrestar l’immigracion”, çò a precisat.
La “Solucion Finala”
La “Solucion Finala”, tanben coneguda coma “Solucion Finala al problèma jusieu” (en alemand “Endlösung der Judenfrage”) es lo nom del plan del govèrn d’Adolf Hitler per executar lo genocidi sistematic de la populacion jusieva europèa pendent la Segonda Guèrra Mondiala. Sa mesa en practica, coneguda posteriorament coma l’Olocaust o la Shoah, ocasionèt la detencion e l’assassinat de tota persona classificada etnicament jusieva, independentament de sa religion. Aquela expression foguèt pensada per Adolf Eichmann, un foncionari nazi que supervisèt en primièra instància la campanha. Precedentament l’avián nomenada eufemisticament “reinstallacion”.
This is where I remain on the issue: We need in 2018 a European answer to the migration challenge. We Europeans must offer further protection for people in need and at the same time stop illegal migration. #migrationEU 2/2
Puigdemont demanda que se corregisca la politica europèa per rapòrt als refugiats
De son costat, lo president de la Generalitat de Catalonha en exili, Carles Puigdemont, a demandat que se corregisca la politica europèa per rapòrt als refugiats. “Entre las causas que cal corregir en Euròpa, la politica dels refugiats deuriá èsser la primièra. La Mediterranèa deu èsser una mar d’espèr, non pas de mòrt. Los estats devon donar exemple, e es pas atal. Espanha a solament aculhit 1980 dels 17 337 als quals s’èra engatjada. Vergonhós”, çò a afortit sus Twitter.
De les coses que s'han de corregir a Europa, la política de refugiats hauria de ser la primera. El Mediterrani ha de ser un mar d'esperança, no de mort. Els estats han de donar exemple, i no és així: Espanya només ha acollit 1.980 dels 17.337 als que es va comprometre. Vergonyós twitter.com/BBCWorld/statu…
[Poblejat dins www.jornalet.com]
Sem comentários:
Enviar um comentário