Cantar a soa vita en rap o hip-hòp, aicí e aüra a Mentan, au Collègio Vento
O vivaroalpenc mentonasc sièrve de parlar de tot, ancui e deman. Per parlar de dignitat, e far spetar u clichats. Perqué o rap, genre de música que piatz a u collegians, seria reservat a d’une lengue? Totun, existan ja de gropes de rap en occitan: Doctors de Trobar, Urban Balèti, Yemgui e los sabotaires, en passant per u tròces de Mauresca fracàs dub, de slamaires coma Lou Davi, Caliu o encara d’unu tròces d’u Fabulous Trobadors...
Per o projècte pedagogic damb o professor d’occitan mentonasc au Collègio Vento, Laurenç Revèst, avema studiats diverses tipes de cançons d’aquel stil dintre a lenga dau Prèmi Nobel de literatura dau 1904, Frederic Mistral, per descubrir çò qu’existia. E pran de nosautres nan sabian qu’existia tot aquò en occitan... Avema studiat o messatge de cada cançan, u tèma abordats, l’actualitat e vist çò que nos tocava.
E après, a partir d’una música seleccionaia en foncion d’u gustes de cada un, sus una versian instrumentala avema obrat per arribar de piaçar un tèxto scrich per cada scolaro damb una bona diccian e en ritmo. Se sema servit dau diccionari en linha locongres.org per scríver pui avema cercat de far rimar tot aquò.
Cada un s’ese presentat coma a voshut, a parlat de se, parlat dau sen quotidian, d’u ses sentimentes e d’a nòstra vita, aicí e aüra. En occitan, lenga totjorn viva, quitament fébila dau ponch de vista d’a soa reconoissença en França, mas una lenga de libertat e de creacian.
Un projècte, que sperema farà víver un pauc de mai a lenga nòstra dintre o nòstre collègio e dintre o païse mentonasc. L’an que ven vorema contunhar! Sperema que porema seguir mai aquela opcian.
U scolaros dau Collègio Vento
Per o projècte pedagogic damb o professor d’occitan mentonasc au Collègio Vento, Laurenç Revèst, avema studiats diverses tipes de cançons d’aquel stil dintre a lenga dau Prèmi Nobel de literatura dau 1904, Frederic Mistral, per descubrir çò qu’existia. E pran de nosautres nan sabian qu’existia tot aquò en occitan... Avema studiat o messatge de cada cançan, u tèma abordats, l’actualitat e vist çò que nos tocava.
E après, a partir d’una música seleccionaia en foncion d’u gustes de cada un, sus una versian instrumentala avema obrat per arribar de piaçar un tèxto scrich per cada scolaro damb una bona diccian e en ritmo. Se sema servit dau diccionari en linha locongres.org per scríver pui avema cercat de far rimar tot aquò.
Cada un s’ese presentat coma a voshut, a parlat de se, parlat dau sen quotidian, d’u ses sentimentes e d’a nòstra vita, aicí e aüra. En occitan, lenga totjorn viva, quitament fébila dau ponch de vista d’a soa reconoissença en França, mas una lenga de libertat e de creacian.
Un projècte, que sperema farà víver un pauc de mai a lenga nòstra dintre o nòstre collègio e dintre o païse mentonasc. L’an que ven vorema contunhar! Sperema que porema seguir mai aquela opcian.
U scolaros dau Collègio Vento
[Poblejat dins www.jornalet.com]
Sem comentários:
Enviar um comentário