quinta-feira, 25 de maio de 2017

Una emission de Radio Canada sus la Val d’Aran e la defensa de son identitat a ganhat lo prèmi Pica d’Estats 2017

Lo guierdon toristic de premsa, ràdio, television e Internet, l’autreja la Deputacion de Lhèida

La Deputacion de Lhèida ven d’autrejar lo 27n prèmi Pica d’Estats, un guierdon toristic de premsa, ràdio, television e Internet qu’a un montant total de 38 000 èuros. Demest los laureats, soslinham lo prèmi al melhor trabalh de ràdio, qu’amb sos 5000 èuros es anat a la jornalista quebequesa Myriam Fimbry de Radio Canada per son emission entitolada “Le Val d’Aran à la défense d’une langue et d’une identité” (la Val d’Aran a la defensa d’una lenga e d’una identitat).

L’emission premiada se centra sus la singularitat de la Val d’Aran e sus la lenga occitana. Explica que las institucions e las gents del país an sauput defendre, preservar e promòure lor patrimòni cultural e istoric, e mençona especialament l’educacion en occitan dempuèi l’escòla mairala.


[Poblejat dins www.jornalet.com]

Nenhum comentário:

Postar um comentário