Socialistas e democratas crestians se son meses d'acòrdi per permetre pas que Facebook contamine la campanha electorala
Lo govèrn alemand a ben aculhit un plan per arrestar l’emplec de Facebook coma motor de difusion de nòvas falsas. La federacion d’estats viurà en 2017 un an electoral capital e sos politicians vòlon pas que se passe çò meteis qu’als Estats Units ont la disseminacion de las informacions falsas via Facebook an influit fòrça sul resultat electoral.
Lo plan, presentat pel president dels socialdemocratas Thomas Oppermann, prepausa de multar amb mièg milion d’èuros cada informacion falsa que Facebook escafarà pas en mens de vint e quatre oras. La proposicion, qu'a ja recebut lo sosten de la CDU de Merkel, obligarà tanben Facebook de crear una redaccion en Alemanha, que recebrà las denóncias e que serà la responsabla d’escafar los messatges e de contrarotlar la propagacion de las falsas informacions.
Per evitar que se considère aquò coma de censura, la proposicion afectarà pas las nòvas dels mèdias establits coma societats en Alemanha.
Lo plan, presentat pel president dels socialdemocratas Thomas Oppermann, prepausa de multar amb mièg milion d’èuros cada informacion falsa que Facebook escafarà pas en mens de vint e quatre oras. La proposicion, qu'a ja recebut lo sosten de la CDU de Merkel, obligarà tanben Facebook de crear una redaccion en Alemanha, que recebrà las denóncias e que serà la responsabla d’escafar los messatges e de contrarotlar la propagacion de las falsas informacions.
Per evitar que se considère aquò coma de censura, la proposicion afectarà pas las nòvas dels mèdias establits coma societats en Alemanha.
[Poblejat dins www.jornalet.com]
Sem comentários:
Enviar um comentário