Puèja lo ton de la campanha catalana que reclama una entitat administrativa pròpria per Catalonha Nòrd
Fa qualques jorns, lo senador e cònsol màger de la vila de El Soler
(Catalonha), François Calvet, placèt una placa que ditz “Pays Catalan”
jos lo panèl d’intrada de la vila. En seguida, lo cònsol de Pollestres,
Daniel Mach, faguèt la meteissa causa per sa vila. Divèrsas comunas de
la Catalonha Nòrd an anonciat que seguiràn l’iniciativa, en protèsta pel
refús de nomenar la nòva region “Occitània-País Catalan”. Dins aquel
sens, la Perpinhan es a installar, jos la senhalizacion bilingüa
d’intrada dins la vila, de placas amb lo sostítol “La Catalane”.
@MairiePerpignan : "L’ équipe municipale a posé sous le panneau d’entrée de ville #PERPIGNAN LA CATALANE"
Occitanofobia
Tre que s’anoncièt que lo nom “Occitània-País Catalan” seriá lo nom nòu de la region, en Catalonha Nòrd i a agut una reaccion intensa. Refusan d’èsser incluses dins una region que se sone simplament “Occitània”. Aquel movement es estat criticat per qualques elegits que l’acusa de far d’”independentisme” e de voler rompre los ligams amb Occitània.
Los partisans de la campanha defendon qu'es pas solament una question de noms mas que caldriá crear una entitat administrativa pròpria pels catalans que demòran dins l’estat francesa. En tot cas, la campanha a generat d’episòdis d’occitanofobia superflús e irrespectuoses.
[Poblejat dins www.jornalet.com]
Sem comentários:
Enviar um comentário