La candidata presidenciala Keiko Fujimori ganhèt dimenge passat lo primièr torn de l’eleccion presidenciala en Peró, ara deurà afrontar lo segond torn amb l’èx-ministre Pedro Pablo Kuczynski, per remplaçar lo president actual Ollanta Humala.
Fujimori obtenguèt lo 39,6% dels vòtes, un avantatge clar davant l’entrepreneire Kuczynski, qu’atenguèt lo 21,09%. De son costat, l’esquerrista Verónika Mendoza obtenguèt lo 18,78% segon de donadas oficialas del Burèu Nacional dels Procèsses Electorals (ONPE).
Keiko Fujimori es filha de l’èx-president del país, Alberto Fujimori, que se tròba a l’ora d’ara en preson, condemnat a 25 ans per corrupcion e per crimes contra l’umanitat.
Cal ramentar que la Jurada Nacionala Electorala peroviana expulsèt de la corsa presidenciala Julio Guzmán per d’irregularitats supausadas. Lo candidat de Totes per Peró èra, fins alavetz, lo melhor plaçat per véncer Fujimori.
[Poblejat dins www.aranes.org]
Sem comentários:
Enviar um comentário