Bernat Lasfargas es a l’onor en Catalonha. S’inaugurèt dimars passat una bibliotèca nomenada Bernard “Lesfargues” (sic), especializada en las traduccions de las òbras escrichas en catalan. La bibliotèca se tròba dins la sedença de l’Institut Ramon Llull, l’institucion publica que promòu a l’estrange la lenga e la cultura catalanas.
Dins l’acte d’inauguracion se faguèt un omenatge a l’escrivan occitan Bernat Lasfargas, qu’es un dels grands traductors dels principals obratges catalans en la nòstra lenga e en francés. La malautiá que subís l’escrivan occitan l’empediguèt pas de participar a aquel acte esmovent, ont rendèron omenatge a sas traduccions e mai que mai a la lenga occitana e a sa poesia.
[Poblejat dins www.jornalet.com]
Sem comentários:
Enviar um comentário