Dimenge passat, al segond temps de la partida de fotbòl entre Vila Real e l’FC Barcelona, al moment que lo jogaire barcelonista èra a butar un cornèr, li lancèron una banana. Lo jogaire respondèt a aquel gèst racista en prenent la banana e en la manjant, abans de contunhar la partida.
Qualques oras puèi, son companh d’esquipa Neymar publiquèt sus Twitter una fòto d’el e de son enfant en manjant una banana, ont disián “totes sèm egals, totes sèm de monards. Racisme non!!!!!”
Mantas personas de tot lo mond an seguit aquel gèst antiracista; d’esportius e quitament de presentaires de television an publicat de fòtos, de vidèos e son apareguts dins lors programas de television en manjant una banana.
L’hashtag #TodosSomosMacacos (en portugués, totes sèm de monards) es vengut subjècte de mòda sus Twitter. S’es fach quitament de camisetas que dison en anglés “manja una banana contra lo racisme”.
SOMOS TODOS IGUAIS, SOMOS TODOS MACACOS. RACISMO NÃO!!!!! We are all monkeys, we are all the same.Say… http://instagram.com/p/nT1mL6xtty/
[Poblejat dins www.jornalet.com]
Sem comentários:
Enviar um comentário