L’organizacion clandestina bretona Stourm ar Brezhoneg (combat pel breton) ven de revendicar la mascaradura de 60 panèls estradièrs monolingües franceses en Bretanha, segon una nòta qu’an mandat al jornal 7Seizh. La tòca d’aquela accion es que la lenga bretona siá presa en compte.
Stourm ar Brezhoneg es una organizacion clandestina qu’exigís l’usatge
de la lenga bretona dins la vida publica. Son activitat se basa sus la
lucha per la preséncia del breton e del galò, mai que mai dins la
senhaletica e dins los mèdias. Per aquò mascaran normalament de panèls
monolingües en francés, e encoratjan de pagar pas la redevença (la
cotizacion per la television). Al delà, qu’encoratjan la populacion de
s’exprimir en breton davant los tribunals, de far boicòt del
recensament, d’escriure los chècs en breton, etc.
[Image: 7Seizh - poblejat dins www.jornalet.com]
Sem comentários:
Enviar um comentário