Era Comission Europèa (CE) a presentat aguest
dimèrcles era campanha informativa sus es drets des passatgèrs dera UE,
que per prumèr còp s'a arrevirat ath catalan, gràcies ara collaboracion
dera Conselheria de Territòri e Sostenibilitat, e qu'aguest ostiu tanben
abrace es viatgèrs de transpòrt maritim, autocar e autobús, a mès d'as
de tren e avion.
En declaracions as mejans, eth director dera Representacion dera
CE a Barcelona, Ferran Tarradellas, a afirmat que damb açò era UE se
convertís en "era prumèra zòna deth món" a auer reguladi drets similars
entà viatgèrs de toti es mejans de transpòrt, e a explicat qu'era
campanha ven acompanhada deth lançament d'ua aplicacion entà mobils a on
consultar-les.
Maugrat qu'aguesti drets afecten milions de ciutadans europèus que
son de vacances, dues tresaus parts ignòren quini son. Per açò auem
lançat aguesta campanha que haram arribar a pòrts, sasons e aeropòrts de
Catalonha," a informat.
[Foto: EUROPA PRESS - hònt: www.europapress.cat]
Sem comentários:
Enviar um comentário