A l’ocasion d’aqueste 700n anniversari que se festeja uèi, Jornalet vos ofrís una edicion especiala amb dos articles sus la Querimònia, e amb la tribuna d’opinion del Sindic d’Aran.
Lo 23 d’agost de 1313, lo rei Jaume II d’Aragon signava a Lhèida (Catalonha) la Querimònia,
lo privilègi que configurèt e donèt de legitimitat als dreches istorics
d’Aran. Lo rei ordenèt de compilar a l’escrich totes los usatges e las
costumas araneses per lor balhar una vigor legala, e a l’encòp autrejava
mai de privilègis e de dreches a las autoritats de la val. Per exemple,
la Querimònia autrejava la liura e franca possession als araneses de
lors bòsques e montanhas, de l’aiga, de la pesca e de la caça, e tanben
qualques exempcions d’impòstes e mai la reconeissença del regim economic
tradicional. Mas, sustot, la Querimònia liguèt Aran a la corona reiala
de Barcelona, en evitant aital lo risc que la val tombèsse dins las
disputas feudalas entre senhors.
[Poblejat dins www.jornalet.com]
Sem comentários:
Enviar um comentário