La revista Forbes incorpora una connexion wi-fi dins son darrièr numèro de papièr

Microsoft i a encartat qualques exemplars d’un petit encaminador amb accès wi-fi a Internet

Lo darrièr numèro de la revista economica estatsunidenca Forbes causa un bon estonament als legeires de la version papièr: qualques exemplars pòrtan una connexion wi-fi gratuita, aital (vidèo). Microsoft, per promòure lo nòu programa Office 365, i a encartat qualques miniencaminadors amb accès wi-fi a Internet.

 

La revista estampada, amb data del 6 de mai, se mandèt a qualques abonats, qu’après activar lo petit encaminador amb l’operator T-Mobile, an quinze jorns de connexion Internet gratuita.

 

Al petit aparelh de wi-fi, se pòt connectar cinc aparelhs a l’encòp e se deu recargar cada tres oras, aperaquí.

[Poblejat dins www.jornalet.com]