Una òbra en catalan empòrta lo prèmi Médicis estrangièr 2026

L’escrivana Eva Baltasar es guierdonada per Déclin et fascination, traduccion francesa del roman Ocàs i fascinació, publicat en 2024 

Escrich per Jòrdi Ràfols 

L’escrivana barcelonesa Eva Baltasar a emportat lo prèmi Médicis estrangièr 2026 per son roman Déclin et fascination, traduch del catalan per Annie Vaths. Es lo primièr còp qu’una òbra literària escricha en catalan recep aquela prestigiosa distincion. Creat en 1970, aquel prèmi recompensa cada an un roman estrangièr traduch en lenga francesa e publicat dins l’estat francés.

Nascuda en 1978, Eva Baltasar es una escrivana catalana que se faguèt conéisser d’en primièr per sa poesia abans de se virar cap al roman. Ocàs i fascinació, publicat en 2024, conta l’istòria d’una femna confrontada a la precarietat e l’exclusion sociala, dins una vila marcada per las inegalitats e la crisi del lotjament. Abans de recebre lo prèmi Médicis, lo roman èra ja estat guierdonat pel prèmi Crexells 2025 e èra estat finalista del prèmi Òmnium del melhor roman de l’an 2024. 

Lo prèmi Médicis compòrta tres categorias principalas: lo roman francés, lo roman estrangièr e l’ensag. Creat en 1958, prèmia d’òbras literàrias publicadas dins l’annada. Lo guierdon emportat per Eva Baltasar balha una importanta reconeissença a la literatura catalana dins l’estat francès.

 

[Imatge: Vilaweb - sorsa: www.jornalet.com]