Lo basco e lo còrs arriban sul traductor de Google, mas pas encara l’occitan ni mai lo breton

L'aplicacion permet d'ara enlà de traduire lo basco o lo còrs, mentre que l’occitan e lo breton son encara de manca.

Google a anonciat l'apondon de 33 novèlas lengas a son aplicacion de traduccion, dont lo basco, lo còrs e lo yiddish. L'objectiu es d'aténher las 1000 lengas disponiblas.

En seguida de sas anóncias de la debuta de novembre, Google a ajustat 33 novèlas lengas a la lista de las disponiblas dins son applicacion Google Traduccion. Per las lengas minorizadas de l’estat francés, aital se permet d'ara enlà de traduire, per exemple, lo basco o lo còrs, mentre que l’occitan e lo breton son encara de manca.

Una contextualizacion melhora

Demest las autras lengas prepausadas, es ara possible de traduire de tèxtes en hawaiian, en hmong, en curd, en latin, en luxemborgés, en sodané, en yiddish o encara en zolo. L'autre benefici d'aquela actualizacion es de poder enregistrar mai de lengas dins l'aplicacion. A mai, Google Traduccion a pas pus besonh d'èsser connectat per traduire de mots.

 

[Sorsa: www.jornalet.com]