Lo collectiu Per Que Viscan Nòstras Lengas a depausat una letra al president de França, en li demandant un rendètz-vos
 |
Una delegacion d’aquel collectiu se presentèt dijòus passat, 18 de junh,al palais de l’Elisi,
en i depausant la letra de demanda de rendètz-vos al president francés
|
Lo collectiu Per Que Viscan Nòstras Lengas a depausat una letra al president de França, Emmanuel Macron, en li demandant un rendètz-vos. Vòlon parlar personalament amb el a causa de las regressions inquietantas dins l’ensenhament public de las lengas de l’estat autras que lo francés.
La reforma del licèu del ministre francés de l’educacion, Jean-Michel Blanquer, adutz d’efièches desastroses a l’ensenhament de las lengas territorialas, segon los membres d’aquel collectiu qu’amassa 34 associacions d’ensenhaires alsacians, arpitans, bascos, bretons, catalans, còrses, flamencs e occitans. Una delegacion d’aquel collectiu se presentèt dijòus passat, 18 de junh, al palais de l’Elisi, en i depausant la letra de demanda de rendètz-vos al president francés. Los acompanhavan l’eurodeputat còrs François Alfonsi, lo deputat Paul Molac e lo senator Ronan Dantec, totes dos bretons.
Dins la letra, sollicitan de Macron que los recépia per tractar la question de las lengas dins l’educacion “per qu’un dialòg s’establisca al pus lèu possible” e afortisson lo sosten d’un centenat de deputats, senators e eurodeputats. “La setmana passada, l’Elisi refusava que venguèssem portar aquela letra, mas quand an vist los sostens qu’avèm reünits, an enfin acceptat”, çò declarava a Mediabask lo president de Seaska, Peio Jorajuria, que se trobava sus plaça.
La reforma del licèu del ministre francés de l’educacion, Jean-Michel Blanquer, adutz d’efièches desastroses a l’ensenhament de las lengas territorialas, segon los membres d’aquel collectiu qu’amassa 34 associacions d’ensenhaires alsacians, arpitans, bascos, bretons, catalans, còrses, flamencs e occitans. Una delegacion d’aquel collectiu se presentèt dijòus passat, 18 de junh, al palais de l’Elisi, en i depausant la letra de demanda de rendètz-vos al president francés. Los acompanhavan l’eurodeputat còrs François Alfonsi, lo deputat Paul Molac e lo senator Ronan Dantec, totes dos bretons.
Dins la letra, sollicitan de Macron que los recépia per tractar la question de las lengas dins l’educacion “per qu’un dialòg s’establisca al pus lèu possible” e afortisson lo sosten d’un centenat de deputats, senators e eurodeputats. “La setmana passada, l’Elisi refusava que venguèssem portar aquela letra, mas quand an vist los sostens qu’avèm reünits, an enfin acceptat”, çò declarava a Mediabask lo president de Seaska, Peio Jorajuria, que se trobava sus plaça.
[Imatge: Fabiana Giovannini - poblejat dins www.jornalet.com]
Sem comentários:
Enviar um comentário