La Generalitat de Catalonha en collaboracion amb lo Conselh d’Aran e l’ÒPLO an parlat de la recuperacion de l’occitan a l’ocasion del Jorn Europèu de las Lengas
 |
| Estève Cròs, Maria Vergés |
A l’ocasion del Jorn Europèu de las Lengas, la delegacion de la Generalitat de Catalonha a l’Union Europèa a portat l’occitan a Brussèlas. Un eveniment s’i organizèt ièr amb la collaboracion del Conselh General d’Aran e de l’Ofici Public de la Lenga Occitana. Los diferents parladisses an soslinhat los prètzfaches dels diferents govèrns regionals (Occitània PM, Aran e Catalonha) per refortir la lenga occitana.
L’eveniment comptèt amb la participacion del ministre de la Generalitat en exili; Lluís Puig, que de Brussèlas estant dirigís lo Programa pel Desvolopament de Projèctes Culturals d’Encastre Internacional. Puig expliquèt las accions per l’occitan qu’an entamenadas lo Conselh General d’Aran e la Generalitat de Catalonha.
 |
Lluís Puig
|
La representanta de la Generalitat a l’UE, Meritxell Serret, mandèt un messatge a l’Union Europèa per que las institucions “fagan tot çò de siá possible” pel desvolopament de l’occitan.
De “solucions imaginativas” en Aran
Quant a el, lo sindic d’Aran, Francés Boya, diguèt que cal trobar de “solucions imaginatives” per que la lenga subrevisca la mondializacion e la “pèrda de cultura populara”. Dins aquel sens insistiguèt que cal que “catalans e occitans trabalhem amassa”, e tanben “damb totes es lengües que luten entà subreviuer en aguest sègle” de sòn costat, la vicesindica d’Aran, Maria Vergés, expliquèt lo prètzfach del govèrn d’Aran amb la Generalitat de Catalonha “entà matier er aranés viu”. Segon Vergés, malgrat los bons resultats dels sondatges, l’aranés es pas pro emplegat dins la vida vidanta.
Recuperacion de l’occitan en Bearn
De son caire, lo director de l’Ofici Public de la Lenga Occitana, Estève Cròs, soslinhèt los resultats positius del darrièr sondatge dels Pirenèus Atlantics que mòstra que i a una recuperacion de la lenga. “La generacion jove emplega mai l’occitan que la generacion mai adulta”, çò diguèt en remarcant que s’agís d’un “resultat encoratjant”.
Occitània-Euròpa per la promocion de la pluralitat e la diversitat
Clavèt la session Yannick Proto, director de la representacion de la region que ten lo nom d’Occitània en Euròpa, que soslinhèt que la construccion europèa deu “respectar e promòurela pluralitat e diversitat lingüistica”.
Qu'auem portat er #occitan tath còr d'Euròpa ena ocasion deth Dia Europèu des Lengües,
damb eth @conselharan , er Ofici Public dera Lengua Occitana, e @Catalonia_EU.
Enes imatges @LluisPuigGordi, Esteve Cròs e @mariaverges78
17 people are talking about this
Happy European Day of Languages!Catalan speakers are excluded of the linguistic diversity promoted by European institutions
We are European citizens that speak old European languages. De want Catalana and occitan to be respected in Europe !#EuropeanDayofLanguages2019
397 people are talking about this
Eth Sindic e era Vicesindica an participat en acte organizat en Bruseles damb motiu deth Dia Internacionau des Lengües en tot deféner era denominacion d'aranés tara lengua occitana d'Aran atau coma eth besonh de resòler es rèptes qu'era nòsta lengua a entara sua superviuença.
See Conselh Generau Aran's other Tweets
[Poblejat dins www.jornalet.com]
Sem comentários:
Enviar um comentário