D’occitans, bretons, francomteses, còrses e polinesians an interpelat Stéphane Bern per que lors lengas sián representadas dins una emission musicala sus France Télévisions
 |
En Occitània, son los musicians Alidé
Sans e Paulin Courtial que signan la
letra, datada del 1r d’agost
|
Nòu joves artistas en lengas minorizadas, dont l’occitan, se son mobilizats per obténer una emission musicala a la television francesa en aquelas lengas, çò rapòrta Le Peuple Breton. Per o far, an escrich a Stéphane Bern, un celèbre escrivan, actor e animator de ràdio e television francoluxemborgés, encargat pel president Macron de missions de patrimòni.
En Occitània, son los musicians Alidé Sans e Paulin Courtial que signan la letra, datada del 1r d’agost. E mai i son Perryn Bleunven per Bretanha, Billy Fumey per la Franca Comtat, Pauline & Juliette pel Bascoat, Carlotta Rini per Corsega e Raumata Tetuanui per Polinesia. Aqueles joves artistas soslinhan l’importància de lors lengas que las fan “viure cada jorn” amb lors cançons.
“Partejam uèi amb vos l’idèa de la creacion sus France Télévisions d’una emission dedicada a las musicas actulas en lengas regionalas. Existís pro d'artistas e de grops per una emission completa e diversificada que presente l'istòria de las lengas regionalas e lor utilizacion dins nòstres repertòris modèrnes e l'imaginari de nòstres univèrses musicals”, çò dison. “Se las lengas regionalas son lo patrimòni de França, son tanben per fòrça d'esperelas un patrimòni transfrontalièr europèu. Recordam doncas a aqueste títol lor reconeissença pel Conselh d’Euròpa e l'UNÈSCO, pròva de lor ancoratge dins nòstra epòca. Identificar, salvar e valorizar lo patrimòni fragil. Nòstre apèl s'inscriu doncas plenament dins aquela cambada e dins la continuitat del ròtle de vòstra mission per tornar l'istòria mai polida; la qu'aprenèm e la que vivèm”.
Neuf artistes interpellent @bernstephane au sujet des langues. #bzhg @Francetele lepeuplebreton.bzh/2019/08/06/neu…
18 people are talking about this
[Neuf artistes interpellent Stéphane Bern au sujet des langues] via @corseinfo1 #Corse et #International
See LOTTA INTERNAZIUNALE's other Tweets
Bon dimèrcles tà toti!
9 artistes en lengües minorizades qu’an demanat a un jornalista dera TV francesa ua emission qu’age en compde aqueres lengües. Er #occitan i é representat per Alidé Sans e Paulin Cortial. lepeuplebreton.bzh/2019/08/06/neu…
See Occitan aranés's other Tweets
[Poblejat dins www.jornalet.com]
Sem comentários:
Enviar um comentário