Lo galò es la lenga romanica de Bretanha. A respècte del breton o de l’occitan, lo galò es en retard dins son procès de recuperacion sociala, mai que mai per çò que tòcha a son ensenhament dins las escòlas primàrias.
Ça que la, dempuei dos ans, l’associacion Cllâssiers (regents) prepausa un metòde nomenat 15mn de galo châqe jou (15 minutas de galò chasque jorn) per menar una iniciacion quotidiana sos la forma de scenetas, de chançons e d’exercicis ludics, e un acompanhament pedagogic.
15 minutas, aquò es pauc, de segur, mas per lo galò es una vertadèira revolucion. Pasmens, lo galò es reconegut per lo conselh regionau de Bretanha coma "lenga de Bretanha" au costat del breton dempuei 2004.
L’an passat, aquel metòde èra aplicat dins 7 escòlas primàrias, aqueste an son 14 escòlas de la Nauta Bretanha que l’emplejan. Lo metòde per los escolans de cicle 2 es estat estampat aqueste mes e es lo primèir espleit pedagogic en galò de l’istòria!
L’estapa que ven per l’associacion Cllâssiers es de crear una classa ont una matèria serà ensenhada tot en galò.
Fabien Lecuyer
[Poblejat dins www.jornalet.com]
Sem comentários:
Enviar um comentário