La mesura cambiarà pas grand causa mas facilitarà a las escòlas l’elaboracion de reglaments, qu'especificaràn solament ont es permés lo portable
L'Assemblada Nacionala francesa a aprovat aqueste diluns passat d'enebir definitivament los telefòns mobils dins las escòlas e collègis e dins qualques licèus, a partir de la rintrada venenta. Aquel projècte de lei seguís una promessa electorala d’Emmanuel Macron, que lo ministre de l’Educacion, Jean-Michel Blanquer, aviá confirmat mai d’un còp.
La lei dicha de "la supervision de l’usatge de telefòns mobils dins las escòlas" modifica l’article L. 511-5 del Còde de l’Educacion, que data de 2010, qu'enebís ja l’usatge dels mobils dins las escòlas mairalas. Ara la nòva lei enebís l’usatge de quin objècte connectat que siá (ordenador portable, tauleta, mòstra connectada…), dins las escòlas, levat se servisson a "de tòcas educativas", segon lo critèri de cada establiment. Pels collègis, cada centre escolar aurà la possibilitat, mas pas l’obligacion, de proclamar la proïbicion totala o parciala dels objèctes mobils e d'autres objèctes connectats.
Concretament, la mesura cambiarà pas grand causa mas facilitarà a las escòlas l’elaboracion de reglaments, qu'especificaràn sonque ont es permés l’aparelh portable, en luòc d’enumerar los endreches ont es enebit.
[Imatge: Intel Free Press - poblejat dins www.jornalet.com]
Sem comentários:
Enviar um comentário