Un milion de signaturas per que l’UE legiferisca per protegir las lengas minorizadas

L’inciativa ciutadana cèrca que l’Union Europèa promòga de leis que permetan una proteccion adeqüata de las minoritats

S’es lançada una mobilizacion per que l’Union Europèa prenga en compte los dreches lingüistics de las minoritats e ne promòga una legislacion adeqüata. Per reüssir, devon amassar un milion de signaturas en provenença d’almens sèt estats europèus abans lo 24 d’abril. Per ara, an signat mai de 600 000 personas.

Los estats qu’an portat mai de signaturas son pel moment Romania e Ongria, qu’an atench aperaquí lo 975% e lo 670% de las signaturas que lor caliá. En çò que concernís los estats que tòcan Occitània, Espanha a amassat lo 65% de sas signaturas, Itàlia un pauc mens del 9% e França arriba pas a la chifra del 5%.

L’iniciativa, nomenada “Minority Safety-Pack“, l’a bandida l’Union Federala de las Nacionalitats Europèas (FUEN), una federacion d’aperaquí 90 organizacions que trabalha pels dreches de las minoritats en Euròpa.
50 milions de ciutadans concernits

Al delà dels occitanofòns, qu’après lo lingüicidi patit avèm pas un pes demografic fòrt, l’iniciativa concernís los aperaquí 50 milions de ciutadans de l’UE que fan partida d’una comunautat nacionala o lingüistica minorizada. Segon la FUEN, “aquelas minoritats contribuisson enòrmament a la diversitat lingüistica e culturala d’Euròpa. Amb los autres europèus, desiran de contribuir al futur de l’Union Europèa; un futur ont se prenga en compte non solament las lengas oficialas dels estats o las culturas dominantas. Per la subrevivença de lor identitat, las minoritats an de besonh de proteccion e sosten. Aquò es l’objectiu de l’Iniciativa Minority SafePack”.
 

---

Per mai d’informacions o per signar la peticion podètz vesitar minority-safepack.eu.

-0:51

HD

Abrir num novo separador

Publicado por Minority SafePack

1320 visualizações

app-facebook

There are 100 million people in Europe, who are part of an autochthonous, national minority.

We call upon the European Union to take its own motto “United in diversity” seriously: with our Minority SafePack Citizen's Initiative we call for a set of actions and legal acts to protect and promote the linguistic and cultural diversity of the minorities in Europe.

Get involved in our campaign!

22

2

30

[Imatge: Minority Safe-pack - poblejat dins www.jornalet.com]