“Per Dieu e per lo pepin Magí”, çò li ditz en s’esglasiant d’una tala “bestiassada”. Manuel Valls es un ferme defensor de l’unitat d’Espanha e sosten la politica repressiva de Rajoy
Dempuèi lo referendum d’independéncia que, malgrat la repression, se tenguèt en Catalonha e Aran lo 1r d’octòbre passat, l’èx-primièr ministre francés, Manuel Valls, es vengut un grand defensor de l’unitat d’Espanha e de la politica de repression del govèrn de Mariano Rajoy. Ansin Valls afirmèt a una emission de la television espanhòla Antena 3 que l’independéncia de Catalonha e Aran “es impossibla” dins lo contèxt europèu e gausèt d’apondre qu’après las violéncias de la polícia “i aguèt pas de mòrts, solament de nafrats, per tant foguèt pas una responsa autoritària”.
Encara dimenge, l’èx-primièr ministre socialista publiquèt sus Twitter que caliá “sosténer la responsa de l’estat democratic d’Espanha”. Mas sas paraulas foguèron contestadas per sa sòrre, Giovanna Valls, que demòra a Barcelona. “Per Dieu, pro! Per lo pepin Magí! Es pas democratic, ni lo 155 tanpauc. Dempuèi quora s’es vist quicòm tan bestiàs coma metre fin a las libertats?”, çò ditz Giovanna Valls.
Manuel respondèt al messatge de sa sòrre en disent: “Per Catalonha, per Espanha, per Euròpa; per lo respècte de la constitucion e lo dialòg. Respècte per totes, eleccions en Catalonha e Unitat en Espanha”.
Per #Catalunya.Para #España.Pour l'#Europe.Respect de la Constitution,dialogue & respect de chacun,élections en Catalogne,unité de l'Espagne
[Poblejat dins www.jornalet.com]
Sem comentários:
Enviar um comentário