Guaiana: enebit de parlar la lenga mairala

L’escolan contravenent “poirà èstre sancionat”

En Guaiana “francesa”, los escolans que demòran al dedins de las tèrras, dins los vilatges isolats de la selva amazoniana, son albergats dempuèi 2005 dins de familhas del litoral quand van far lors estudis. D’efièch, es sul litoral que se concentra l’activitat umana e la majoritat de la populacion del territòri.

 

Segon lo jornal France Guyane, un document circula dins Internet ont es escrich qu’es “defendut de parlar sa lenga mairala entre escolans per se trufar e quand las familhas an pas lo mestritge o l’usatge de la lenga”. L’escolan contravenent “poirà èstre sancionat”, de tot segur.

 

Lo collectiu Lawa, que representa de famillas del Naut Maroni, dins la selva amazoniana, denóncia “aquela ofensa que recòrda las oras escuras de la Guaiana coloniala”.

 

Per quant a Rodolphe Alexandre, lo president de la Collectivat de Guaiana, tròba la frasa “maladrecha mas [compren] la situacion d’unas famillas”.

 

 

 

 

Fabien Lécuyer

[Poblejat dins www.jornalet.com]