sexta-feira, 16 de junho de 2017

Morlhon aculhirà dissabte un encontre occitanoròm

La jornada se clavarà amb un espectacle de flamenco, un balèti gitano e un concèrt de Traucatèrme

Se tendrà dissabte que ven a Morlhon (Vilafrancat) una jornada occitanoròm. Après lo succès que tenguèt l’encontre occitanoberbèr, ara l’associacion La Tambouille e l’IEO del Vilafrancat prepararan l’encontre occitanoròm, una jornada d’escambis e de convivialitat amb aquela cultura.
 
Lo programa prepausa d’animacions, de contes en occitan, de lecturas d’istòrias gitanas, d’estagis de danças occitanas e de flamenco. Tanben se farà de teatre, de conferéncias, de lecturas de poèmas, d’exibicions de danças del Mond...
 
La jornada se clavarà amb un espectacle de flamenco per Rebeca Ortega e Martín Jiménez Cortés, un concèrt bal amb los musicians ròms Pitsi Ceveri e un concèrt dels rockers occitans Traucatèrme.
 
Durant tota la jornada se poirà vesitar una exposicion dels ròms sus la Segonda Guèrra Mondiala, una autra dels gitanos a las Santas Marias de la Mar (Camarga), e encara una dels noms de païsatge en Occitània. 
 


Per mai d’informacion e reservacions:
Annie +33 (0)6 44 01 60 40
Clémentine +33(0)6 08 30 21 42


[Imatge: Richard Daniels / Rebeca Ortega - poblejat dins www.jornalet.com]



Nenhum comentário:

Postar um comentário