Reclaman que torne lo breton a la television dins lo departament del Léger Atlantic

En abril de 2002, cessèron las emissions en breton dins aquel departament breton restacat dempuèi 1982 a la region dels Païses de Léger

Escrich per Fabien Lecuyer

Per lo 7n còp, lo collectiu “Brezhoneg er skinwell” (De breton dins ma tèle) s’amassèt dissabte passat a Sant Nazer/Saint-Nazere per reclamar de programas en breton dins lo departament nomenat Léger Atlantic. D’efiech, las emissions en breton cessèron en abril de 2002 aprèp 30 annadas de difusion. Atal, lo departament es encara mai isolat a respècte dels autres departaments bretons de la region nomenada Bretanha. Lo departament del Léger Atlantic foguèt incorporat a la region nomenada Païses de Léger, e doncas tirat de la region Bretanha, en 1982.

 

L’amassada se tenguèt a l’escasença de la ceremònia dels “Prizioù” (prèmis) que recompensan los melhoras creacions en breton de l’an. Aquela ceremònia aviá luòc a Lannuon (Treger).

 

 

 

 

[Poblejat dins www.jornale.com]