Xavier Vidal e l’AMTET asseguran lo succès d’una serada per que totes los participants pòscan far viure la lenga e lo país en cantant ensems a la beguda
Beure un còp e cantar ensems en occitan, vaquí lo biais pus nòstre de far viure la lenga e la cultura del país. Dins aquel sens, La Topina prepausa dijòus que ven, 2 de març, un cafè-cantaires ont cadun pòt cantar, acompanhat per d’instrumentistas.
Asseguran la reüssida de la serada los musicians Xavier Vidal e l’AMTET, qu’es l’associacion qu’amassa los estudiants de musicas tradicionalas de la Ciutat Mondina.
La Topina es lo projècte d’un cafè associatiu dins l’Ostal d’Occitània, un ostal tolosan del sègle XIVn, que prepausa de dimècres a dissabte de 10h a 22h de restauracion en promovent los produches labelizats occitans, comèrci equitable e bio. Es tanben un endrech de socializacion de la lenga occitana e un luòc cultural, festiu e convivial.
[Poblejat dins www.jornalet.com]
Sem comentários:
Enviar um comentário