Bolívia: après la malescasuda de McDonald’s, s’empedirà la venda de Coca-Cola

Lo 21 de decembre que ven, lo govèrn bolivian arrestarà las operacions de Coca-Cola e de MacDonald’s per “preservar la cultura e la santat”

Lo 21 de decembre que ven, lo govèrn bolivian arrestarà las operacions de Coca-Cola e de McDonald’s dins lo país per “preservar la cultura e la santat”. A partir d’aquel jorn, s’empedirà la venda de Coca-Cola, car “nos cal sonhar nòstra santat en consumant de noiriduras e de bevendas naturalas”, çò diguèt lo ministre de las relacions exterioras bolivian, David Choquehuanca.

 

Choquehuanca explicava a TeleSur, qu’aquel jorn de cap d’an segon lo calendièr maia, se poirà festejar en partida “la fin del capitalisme e lo començament d’una cultura de la vida”.

 

La rason per empedir la venta de Coca-Cola en Bolívia es son contengut de substàncias marridas per la santat e que poirián provocar de crisis cardiacas, de càncers e d’accidents vasculars.

 

A respècte de McDonald’s, Bolívia foguèt lo primièr país del Mond ont lo gigant de l’alimentacion rapida capitèt mal quand ensagèt de s’i installar. Après 14 ans d’insuccèsses, McDonald’s retirèt las uèch sucursalas bolivianas. La societat reconeguèt dins un estudi sa malescasuda davant la mentalitat dels bolivians e lor tradicionalisme tocant l’alimentacion.

[Poblejat dins www.jornalet.com]