Bascoat: un grop de cantaires ogandeses a esmogut Arnaldo Otegi

Mentre que dinnava dins un restaurant, los cantaires se levèron e li cantèron una cançon que se planh del colonialisme

Lo policitian basquista, Arnaldo Otegi, aguèt una suspresa esmoventa dimenge passat mentre que dinnava amb sa familha dins un restaurant. Ailà, rescontrèt un grop de cinc cantaires ogandeses que se levèron e li cantèron la cançon Senzeni Na (Qu’avèm fach?), un aire en lenga xhosa que se planh de l’Apartheid. “Qu’avèm fach? Lo nòstre pecat es d’èsser negres? Lo nòstre pecat es la veritat? Nos tuan. Qu’Africa torne”, çò dison las paraulas.

S’agissiá del grop coral Aba Taano, un còr que fasiá un concèrt a la glèisa de la vila d’Oiartzun.

Lo politician independentista basco ne partegèt lo vidèo suls rets socials. “Mentre que gaudissiam d’un bon dinnar en familha, d’amics ogandeses me dediquèron aquesta cançon africana tant esmoventa. Foguèt un moment vertadièrament esmovent. African Power!”, çò diguèt.

Publicado por Arnaldo Otegi Mondragon

53.599 visualizações

-3:32

Atzo sendiarekin bazkaria eduki nuen, eta ondoko mahaian zeuden Ugandako lagunek, abesti benetan berezi hau eskeini zidaten. Benetan abesti hunkigarria, African Power!

Ayer mientras disfrutábamos de una buena comida familiar, unos amigos Ugandeses me dedicaron esta emocionante canción africana. Realmente fue un momento emocionante. African Power!

[Poblejat dins www.jornalet.com]