Lo portal Flag Stories prepausa un vintenat d’infografias liadas a tota sòrta d’aspèctes dels drapèls estatals
Las bandièras d’Andòrra, Moldàvia, Romania e Chad son identicas e se diferéncian solament pels escuts. La majoritat de las bandièras dels païses eslaus presentan la meteissa combinason de colors, amb lo blanc, lo blau e lo roge. E una granda partida de las bandièras estatalas se creèron als sègles XIX e XX. Totas aquelas donadas, e plan d’autras, se pòdon descobrir dins lo sit Flag Stories (Istòrias de Bandièras), un espaci creat pels membres de l’estudi danés de dessenh Ferdio, especializats en infografias e apassionats de las bandièras.
“Sèm tan fascinats per las bandièras que decidiguèrem de las analisar segon totes los ponches de vista possibles, amb la tòca de partejar la nòstra fascinacion amb totòm”, çò assegura la còla del sit Flag Stories. Aquela pagina web amassa ara un vintenat de grafics ont se classifica las bandièras de totes los estats del Mond segon las colors, lo dessenh, la composicion, l’ancianetat, las semblanças o la preséncia de simbòls.
I a tanben d’infografias que categorizan las bandièras segon la complexitat de lor dessenh o que las analisan per las colors: quin sens an dins cada país, qualas son las colors predominantas dins los drapèls estatals, etc.
“Sèm tan fascinats per las bandièras que decidiguèrem de las analisar segon totes los ponches de vista possibles, amb la tòca de partejar la nòstra fascinacion amb totòm”, çò assegura la còla del sit Flag Stories. Aquela pagina web amassa ara un vintenat de grafics ont se classifica las bandièras de totes los estats del Mond segon las colors, lo dessenh, la composicion, l’ancianetat, las semblanças o la preséncia de simbòls.
I a tanben d’infografias que categorizan las bandièras segon la complexitat de lor dessenh o que las analisan per las colors: quin sens an dins cada país, qualas son las colors predominantas dins los drapèls estatals, etc.
[Poblejat dins www.jornalet.com]
Sem comentários:
Enviar um comentário