Google Maps mòstra desenant los toponims d’Occitània en occitan

Cal aver lo navigador configurat en catalan. Aquela reüssida es l’òbra de las revendicacions de Plataforma per la Llengua

D’ara endavant, los internautas qu’auràn configurat lor navigator en catalan veiràn la toponimia d’Occitània en occitan sus Google Maps, gràcias a las revendicacions de l’ONG catalana Plataforma per la Llengua, que trabalha per l’usatge social de la lenga catalana.

Fins ara, Google mostrava los toponims dins la lenga oficiala, çò es en catalan al sud de Rosselhon e en occitan solament en Aran, e mai se permetiá ja la recèrca dins las lengas del país. Ara Plataforma per la Llengua a reüssit una capitada dobla per rapòrt al servici cartografic de Google, que mòstra en catalan los toponims de Catalonha Nòrd e en occitan los d’Occitània tota. Pasmens, los toponims qu’an un nom tradicional en catalan apareisson en aquela lenga.

L'organizacion avalora fòrça positivament aquel cambiament de Google Maps per “la normalizacion que significa pel catalan e per l'occitan”, e mai s’encara rèsta de toponims per normalizar.

[Poblejat dins www.jornalet.com]