Lo jornal L’Avenir, dins un article, evòca la division que la reconeissença d’una Catalonha independenta poiriá crear dins l’executiu bèlga
L’avanç del procès independentista de Catalonha a Aran poiriá èsser un “afar explosiu” pel govèrn de Belgica, plan lèu. Aital o explica lo jornal bèlga L’Avenir, que publica l’opinion del ministre de l’interior Jan Jambon. Segon Jambon, se l’executiu bèlga deu tractar la question d’una Catalonha independenta, aquò vendriá “un tèma explosiu”.
Jambon, membre del partit de la Nòva Aliança Flamenca (NVA) —que revendica l’independéncia de Flandra—, ditz que se l’estat bèlga reconeissiá pas Catalonha, aquò poiriá èsser un problèma per l’estabilitat del govèrn bèlga.
Ça que la, L’Avenir publica tanben l’analisi del politològ Dave Sinardet, que soslinha qu’es “fòrça improbable, e quitament impossible”, que l’NVA faga tombar lo govèrn en cas qu’aquela reconeissença se produguèsse pas. “Los flamencs que son pas interessats per la question catalana comprendrián pas un gèst coma aquel,” çò ditz Sinardet, “perque anariá quitament contra l’estrategia de l’NVA que se vòl presentar coma un partit fisable, de governament e capable de dirigir lo país”.
Jambon, membre del partit de la Nòva Aliança Flamenca (NVA) —que revendica l’independéncia de Flandra—, ditz que se l’estat bèlga reconeissiá pas Catalonha, aquò poiriá èsser un problèma per l’estabilitat del govèrn bèlga.
Ça que la, L’Avenir publica tanben l’analisi del politològ Dave Sinardet, que soslinha qu’es “fòrça improbable, e quitament impossible”, que l’NVA faga tombar lo govèrn en cas qu’aquela reconeissença se produguèsse pas. “Los flamencs que son pas interessats per la question catalana comprendrián pas un gèst coma aquel,” çò ditz Sinardet, “perque anariá quitament contra l’estrategia de l’NVA que se vòl presentar coma un partit fisable, de governament e capable de dirigir lo país”.
[Poblejat dins www.jornalet.com]
Sem comentários:
Enviar um comentário