L’avantprojècte de la nòva constitucion del país prevei tanplan una acadèmia argeriana de la lenga berbèra
La lenga berbèra, nomenada tanben amazigh, es reconeguda coma una lenga oficiala en Argeria dins l’avantprojècte de la nòva constitucion que se presentèt dimars passat als mèdias, çò rapòrta Algérie Focus.
En mai d’aquò, es previst de crear “una acadèmia argeriana de la lenga amazigh plaçada al costat del president de la Republica”, segon aquel projècte de constitucion. L’article 3 bis, e mai, precisa que “l’acadèmia, que se basa suls trabalhs dels expèrts, es encargada de reünir las condicions de promocion de l’amazigh en vista de concretizar, a tèrme, son estatut de lenga oficiala. Las modalitats d’aplicacion d’aqueste article son fixadas per una lei organica”.
Aquel avantprojècte de lei serà lèu somés al parlament argerian per que siá adoptat.
[Imatge: Lhossine - poblejat dins www.jornalet.com]
Sem comentários:
Enviar um comentário