L’occitan es present dins lo Babel Film Festival de Sardenha

Se projècta uèi lo documentari aranés Aqueth dia i auie ua nòça e, dissabte, lo collectatge Vòutz de lo Sambuc realizat dins la Val d’Estura

L’occitan es plan present dins lo Babel Film Festival, lo concors internacional per lo cinèma de las minoritats lingüisticas, que se ten tota aquesta setmana a Càlher (Sardenha).

 

Se projècta uèi a 15h40 lo documentari aranés Aqueth dia i auie ua nòça, de Mireia Boya e Natàlia Lloreta, que remembra per mejan dels testimoniatges dels araneses que los visquèron, los faches del 19 d’octòbre de 1944, quand un grop de maquisards exiliats dins l’estat francés intrèron en Aran amb la tòca de n’acabar amb lo regim de Franco.

 

E dissabte l’occitan aurà l’accent de las Valadas amb lo documentari Vòutz de lo Sambuc de Paolo Ansaldi, que collècta de testimoniatges del país de Sambuc dins la Val d’Estura.

 

Cal remarcar tanplan la preséncia activa de Josep Enric Teixidó, de la Mòstra de Cinèma Occitan.

[Poblejat dins www.jornalet.com]